İranda baş verənlər bağlı hökumət qüvvələri bir neçə günlük soyuqqanlılıq nümayiş etdirərək daxildə olan düşmən şəbəkəsini tam ifşa ediblər.
Qafqaz.ir-Bunu politoloq Tofiq Abbasov deyib.
Onun sözlərinə görə, stabillik artıq bərqərar olur: “Hakimiyyət vəziyyəti, demək olar tam şəkildə nəzarət altına götürə bilib”.
Politoloq deyib ki, ABŞ hazırda İran rejiminin dəyişilməsini istəsə də, bu, baş verməyəcək: “Tehran bölgə siyasətində Amerika, İsrail, Səudiyyə Ərəbistanı və s. məmləkətlərin vahid planına təsirli zərbələr endirməyi bacarıb”.
T.Abbasov bildirib ki, hazırda İran böyük inkişaf yolu qət edib və müsəlman aləminin üç liderindən biridir: “Türkiyə, Pakistanla bərabər, İran böyük irəliləyişlər əldə edib və hətta yüksək texnologiyalar sahəsində də Türkiyə ilə Pakistanı üstələyir”.
(SalamNews)
