Fevralın 22-də Nardaranda yenə xoşagəlməz hadisə yaşanıb. Şam namazından sonra Hz Fatimənin (s.ə) əzadarlıq mərasiminə toplaşan mömin və möminələr Nardaran piri Hüseyniyyəsindən uzaqlaşdırıblar. Məscidə toplaşanlar moizə dinləyib, salavatlar zikr edib. Bu zaman polislər gələrək mərasimi yarımçıq kəsiblər. Hadisəni orada olan sakinlərdən biri xeberman.com saytına belə nəql edib: “Moizə oldu. Mərsiyyə deyilən zaman, 7-8 nəfər polis nəfəri içəri daxil olaraq məclisi dayandırdılar və bu işə icazə olmadığını qeyd etdilər.Mərsiyyə yarımçıq qaldı və Xanım Zəhranın (s.ə) məclisini keçirtməyə qoymadılar. Hamı evinə getdi…”.
