Müsəlman Birliyi Hərəkatının üzvlərindən olan Elşən Abbasovun saxlanılması ilə bağlı məlumat yayılıb. Məlumatı E. Abbasovun yaxınları və hadisə şahidləri də təsdiqləyib. Belə ki, bu gün (3 mart) 17:30- radələrində Bərdədə, iş yerinin yaxınlığında bir neçə mülki geyimli şəxslərin Abbasova yaxınlaşaraq heç bir səbəb göstərilmədən onu gəldikləri maşına mindirərək naməlum istiqamətə aparıblar. Yaxınları polisin bu formada saxlanılmasını nəzərə alaraq hadisə ilə bağlı 102-xidməti ilə də əlaqə saxlayıblar. Ailəyə yaxın şəxslərdən biri E. Abbasovun xüsusi sifarişlə saxlanılaraq Bakıya aparıldığı haqda dövlət orqan işçilərindən məlumat əldə etdiyi bildirilib.