“Danışığımızı yarımçıq kəsdilər”.
“Jam.az” saytının redaktoru, jurnalist Fikrət Fərəməzoğlu aclıq aksiyasına başlayıb. Bu haqda onun həyat yoldaşı Faiqə İbişbəyli özünün“Facebook” profilində yazıb. Dediyinə görə, bu gün aclıq aksiyasının 3-cü günüdür.
“Aksiyaya ayın 18-dən başlayıb. Bununla məhkəmənin ədalətsiz gedişinə, sifarişli həbsinə etiraz edir. Bunları mənə telefonda deyirdi. Ona görə də danışığımızı yarımçıq kəsdilər. Kimsə “çölə məlumat ötürmə” qışqırdı. Təzyiqlər artıq bu həddədir” – jurnalistin həyat yoldaşı bildirib.
Fikrət Fərəməzoğlu ötən ilin iyun ayının sonunda saxlanıb. O, hədə-qorxu ilə rüşvət tələbetmədə günahlandırılır.
