İran yeni “Kərar” (Hücum) tanklarının kütləvi istehsalına başlayıb.
Bu barədə “Fars” və “Tasnim” agentlikləri İranın güc strukturlarına istinadən məlumat yayıb.
Yeni tank bu gün İran müdafiə naziri Hüseyn Dehqanın iştirak etdiyi tədbirdə nümayiş etdirilib. Bu tank ən müasir atəş və müdafiə sistemləri ilə təchiz edilib. “Kərar” hərəkətsiz və hərəkətli obyektlərə dəqiq zərbə endirmək, müxtəlif maneələri aşmaq qabiliyyətinə malikdir. H. Dehqan deyib ki, bu tank İran Silahlı Qüvvələrinin gücünün simvoludur.
Bundan əvvəl İran “Zülfüqar” tankının müxtəlif modifikasiyalarını istehsal edib.
