İranın Azərbaycandakı ticarət Ataşşesi iki ölkənin müştərək avtomobil şirkətinin qeydiyyata alınmasından xəbər verərək deyib: Yaxın zamanda İran və Azərbaycan avtomobilqayırma şirkəti tərəfindən 5 müştərək avtomobil istehsal olunacaq.
İRNA-nın verdiyi məlumata görə, İranın Azərbaycandakı ticarət ataşşesi Məhəmməd İbrahim Nəqizadə deyib: İran və Azərbaycan müştərək avtomobilqayırma şirkətinin adı AzKron-dur və Azərbaycan tərəfindən Azmaş şirkəti 75 İran tərəfindən İranXodro şirkəti isə 25 faiz paya malikdir.
Nəqizadə AzKron şirkətinin illik 10 min avtomobil istehsalı qabiliyyətinə malik olduğunu bildirərək deyib: İlkin istehsal həcmi illik 3 min avtomobildən ibarət olacaq və növbəti mərhələdə bu 5 min ədədə çatdırılacaq.
AzKron avtomobilqayırma şirkəti Bakıdan 175 km məsafədə Neftçala ərazisində yerləşir.
