İran Natanzdakı nüvə təsisatında təxribat törətməkdə şübhəli bilinən şəxsin adını açıqlayıb.
Bu barədə İran televiziyası məlumat yayıb.
Bildirilib ki, nüvə təsisatında təxribat törətməkdə şübhəli bilən şəxs 43 yaşlı Rıza Kərimidir. O bu təsisatda çalışıb. Təhlükəsizlik qüvvələri tərəfindən onun kimliyi aşkar edilən kimi Rıza Kərimi İranı tərk edib
“Onun həbsi və ölkəyə qaytarılması üçün bütün lazımı və hüquqi addımlar atılır”, – deyə İran televiziyası bildirib.
Xatırladaq ki, ötən həftə İranda Natanz Atom Elektrik Stansiyasında (AES) qəza baş verib. İran hökuməti bunu təxribat adlandırıb və İsraili günahlandırıb.