Ötən gün Bakı Apellyasiya Məhkəməsində ilahiyyatçı Sərdar Babayevin həbsindən şikayətə baxılıb. Şikayət təmin edilməyib, vəkil Cavad Cavadov bildirib.
Qafqaz.ir-nin Turan Xəbər Agentliyinə istinadla verdiyi məlumata görə, vəkil bildirib ki, Babayev ona qarşı irəli sürülən dövlətə xəyanət ittihamını rədd edir və onu siyasi motivli hesab edir.
O, özünü son zamanlar qonşu dövlətlə (İran) gərgin münasibətlər fonunda aparılan repressiyaların qurbanı hesab edir, vəkil Facebook səhifəsində yazıb.
Babayev oktyabrın 19-da saxlanılıb. Sonradan məlum olub ki, ona qarşı Cinayət Məcəlləsinin 274-cü maddəsi (dövlət məmuru) ilə ittiham irəli sürülüb.
“Azərbaycanın din xadimləri” birliyinin üzvü, ilahiyyatçı Cəlal Şəfiyev bildirib ki, Babayevin həbsinin əsl səbəbi maide.az saytında İranın ali dini lideri, Ayətullahül-üzma Xamneinin çıxışlarının və kitablarının dərcidir.
Bundan əlavə, Babayev təqlid mərcəyi olan Ayətullahül-üzma Xameneidən istifta(dini mövzularda fətva tələb etmək) edib.
Son həftə ərzində Azərbaycan Respublikasında daha bir neçə ilahiyyatçı qısamüddətli həbslərə məruz qalıb.
