Hazırda cinayət işinin matrealları ilə tanış olma mərhələsi başlayıb.
“Müsəlman Birliyi Hərəkatı”nın sədr müavini, ilahiyyatçı Elçin Qasımovun cinayət işi üzrə ibtidai istintaqı başa çatıb.
Bu barədə “Report”a E.Qasımovun vəkili Elnur Nəbiyev məlumat verib.
Vəkilin sözlərinə görə, hazırda cinayət işinin matrealları ilə tanış olma mərhələsi başlayıb.
Qeyd edək ki, “Müsəlman Birliyi Hərəkatı”nın sədri Tale Bağırzadə ötən il noyabrın 26-da Nardaran qəsəbəsində polisin keçirdiyi əməliyyat zamanı tərəfdarları ilə birlikdə saxlanılıb. E.Qasımov isə noyabrın 5-də tutulub. E.Qasımov İnzibati Xətalar Məcəlləsinin 310-cu (polis işçisinin qanuni tələbinə qəsdən tabe olmama) maddəsini pozmaqda günahlandırılıb və 30 gün müddətinə inzibati həbs cəzası alıb.Daha sonra Nəsimi rayon Məhkəməsinin qərarı ilə E.Qasımov barəsində üç aylıq həbs qətimkan tədbiri seçilib.
