“İşğaldan azad edilmiş ərazilərimiz tamamilə dağıdılıb, məhv edilib. Azərbaycan xalqına aid nə var idisə hamısı dağıdılıb”.
“Report”un xəbərinə görə, bunu Prezidentin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev fevralın 6-da Azərbaycandakı xarici diplomatlarla birlikdə Xudafərin körpüsünü ziyarət zamanı deyib.
Onun sözlərinə görə, dünyanın hər hansı başqa bir münaqişə zonasında qəbiristanlıqların dağıdılmasına, məhv edilməsinə nadir hallarda rast gəlinir: “Azərbaycanlılara məxsus qəbirlər, qəbir daşları və qəbirin içərisindəki sümüklər belə dağıdılıb, məhv edilib. Görün, ermənilər necə vandalizm törədiblər! Biz Cəbrayılda bunun bir daha şahidi olduq”.
