Gürcüstanın müdafiə naziri Levan İzoriya erməni həmkarı Viqen Sarkisyanla görüşüb.
Qafqaz.ir-ın “Qruziya Online”a istinadən məlumatına görə, nazirlər müdafiə sahəsində ikitərəfli əməkdaşlığı müzakirə ediblər.
Tərəflər Gürcüstan və Ermənistan hərbçilərinin beynəlxalq sülhməramlı missiyalarda iştirakına dair fikir mübadiləsi aparıblar.
Levan İzoriya qonağa Sahçara dağ təlim bazasında keçirilən kurslar barədə məlumat verib.
Sonda müdafiə nazirləri iki ölkə arasında hərbi sahədə əlaqələrin daha da genişlənəcəyinə əminliklərini ifadə ediblər.
