General-mayor Səfəvi: İrana qarşı gələcək təhdidlər “dəniz və hava”da olacaq

General-mayor Seyid Yəhya Rəhim Səfəvi bu gün səhər İslam İnqilabı Keşikçiləri Korpusunun Hərbi Dəniz Qüvvələri tərəfindən təşkil edilən “İnkişaf etməkdə olan Dəniz İmkanları və Təhdidləri üzrə Milli Konfrans”da gələcək təhdidlərin dənizdə və havada olacağını və İranın hərbi qüvvələrinin dəniz qüvvələrinin açıq dənizlərdə mövcudluğunun ölkənin ticarət və enerji tranzitinə zəmanət verdiyini bildirib.

Ali Baş Komandanın köməkçisi və ali müşaviri dəniz və hava təhdidləri baxımından İranın çəkindirici gücünün artırılmasının vacibliyini vurğulayaraq, qeyd edib ki, xalqın güzəranı və iqtisadi problemlərinin həlli ilə milli birlik və daxili gücün möhkəmlənməsi İslam Respublikasında xüsusi əhəmiyyət kəsb edən məsələlərdəndir.

General-mayor Səfəvi qeyd edib ki, hazırkı və gələcək döyüş səhnələri hərbi sahələrdə texnoloji modeldən təsirlənir və bu gün texnologiyanın artan inkişafı hərbi qüvvələri ehtiyaclardan təsirlənən texnoloji imkanların gücləndirilməsi istiqamətində irəliləməyə sövq edib.

O, əlavə edib ki, İranın milli və transmilli qüdrətinin, geosiyasi və geoiqtisadi mövqeyinin gücləndirilməsi yeni qlobal mühəndislik nizamına təsir etməkdən asılıdrı və Şanxay Əməkdaşlıq Təşkilatı, BRİKS və digər regional və beynəlxalq təşkilatlarda siyasi, iqtisadi və hərbi iştirakla mümkün olacaq.

General-mayor Səfəvi İranın Şanxay Əməkdaşlıq Təşkilatı və BRİKS-də təsirli iştirak fürsətindən istifadə etməli olduğunu vurğulayıb və deyib: “İran regional və beynəlxalq təşkilatlardakı rolunu artırmalıdır”. 

General-mayor Səfəvi Qəzzə müharibəsinin Müqavimət Oxuna təsirinə işarə edərək, bildirib ki, sionist rejimin davamlı bombardmanları ilə bu müharibə bu bölgəyə dərin təsirlər buraxacaq, lakin nəticədə fələstinlilərin qələbəsinə gətirib çıxaracaq və Müqavimət Cəbhəsi ilə ona üzv olan ölkələri əvvəlkindən daha çox birləşdirəcək.