İlk dəfə İranda təşkil edilən “Mehribançılıq divarı” və ya “Ehtiyacın varsa götür, yoxdursa gətir” aksiyası dünyada surətlə yayılmaqdadır
İslamazeri.az-ın verdiyi xəbərə görə, Azərbaycanın bir neçə bölgəsində baş tutmuş aksiya, Biləcəridə də təşkil edilib. Burada da. başqa ölkələrdəki ənənə qorunub. Ehtiyacı olan şəxs buradan seçdiyi paltarı və ya ayaqqabını götürə bilər. Ehtiyacı olmayan və ehsan etmək istəyən sakinlər isə, bu xeyirxah aksiyada iştirak edirlər. Aztəminatlı vətəndaşlarımızın geyim ehtiyaclarını təmin etmək məqəsədi güdən bu xeyriyyə layihəsi 16 mart 2016-cı il tarixindən etibarən fəaliyyətə başlayıb. Aksiyada iştirak etmək istəyənlər, yəni geyim hədiyyə etmək istəyənlər Biləcəri qəsəbəsi, Teymur Yaqubov küçəsi 12 ünvanına gedə bilərlər. Əlaqə nömrələri isə bunlardır: (012) 499-09-89, (055) 721-10-98. Layihəni başladanların xahişi isə budur ki, layihəyə dəstək olmaq və geyim hədiyyə etmək istəyənlər geyim və ayaqqabı gətirərkən onların səliqəli və təmiz olmalarına diqqət etsinlər.