Azərbaycanlı analitik Arif Yunus bildirib ki, Azərbaycan Respublikasının hakimiyyət orqanları və mediası Laçın dəhlizi ətrafında gedən təbliğatlarında səmimi deyillər. Onlar ətraf mühitin mühafizəsi pərdəsi altında özlərini vətənpərvər kimi qələmə verməyə çalışırlar.
Arif Yunus “Azad Söz” kanalı ilə söhbətində deyib: “Əliyev ailəsi ilə Britaniyanın “Anglo Asian Mining Company” şirkəti arasında qızıl mədənlərinin istismarı və bu şirkətlə üç milyard dollar sövdələşmədən söhbət gedir. 1997-ci ildə Heydər Əliyev hakimiyyəti dövründə Bakı Londonda qeydiyyatdan keçmiş “Anglo-Asian Mining Company” adlı şirkətlə müqavilə imzalamışdı. Ən mühüm mədənlərdən biri ermənilərin “Zod” mədəni adlandırdıqları Kəlbəcərdəki Söyüdlü qızıl mədənidir. Bu mədən ermənilərin 1993-cü ildə tutduqları ərazidə idi. Lakin 2020-ci il müharibəsindən sonra vəziyyət dəyişdi və Kəlbəcər Azərbaycan Respublikasına qaytarıldı. 2020-ci il müharibəsindən sonra ermənilər Kəlbəcəri Azərbaycan Respublikasına qaytardılar və qızıl mədənləri ilə bağlı ilk mübahisə 2021-ci ilin mart və aprel aylarında baş verdi və İlham Əliyevin qızlarına məxsus şirkət və Britaniya şirkəti bu mövzuda məhkəməyə müraciət edəcəklərini açıqladı. Bakı mediasında vaxtaşırı anti-Rusiya kampaniyaları da bununla bağlı olub, bunun üçün mətbuatda “vətənpərvərlik” ritorikasından istifadə olunur.
Bu ekspert əlavə edib: “Bu arada İngiltərənin “Anglo-Asian Mining Company” şirkətinin saytında xəbər yerləşdirilib ki, Azərbaycan Respublikası ilə müqaviləyə dəyişiklik edilib və iyulun 5-də Azərbaycanla əlavə sənəd imzalanıb. Bu müqavilə Qızıl Bulaq və Dəmirli mədənləri və Dağlıq Qarabağdakı digər bir mədənlə bağlıdır. Bu ingilis şirkətinin saytında hazırda hansı mədənlərin istismar olunduğu və gələcəkdə hansı mədənlərin istismar olunacağı qeyd olunub. Azərbaycan Respublikası sənəddə Qızıl Bulaq və Dəmirli mədənlərini rəsmən təhvil verib, əvəzində üç milyard dollar almağı planlaşdırır. Bu o deməkdir ki, bu üç milyard dolları İlham Əliyev qazanır. Lakin bununla bağlı Azərbaycan Respublikasının kütləvi informasiya vasitələrində heç bir xəbər dərc olunmayıb və gələcəkdə də dərc olunmayacaq.
