Avq 31, 2021 11:47 Asia/Baku
Bazar ertəsi ABŞ Xəstəliklərə Nəzarət və Profilaktika Mərkəzi Azərbaycana gedən amerikalıları COVİD-19 xəstəliklərinin kəskin artması ilə əlaqədar səfəri ləğv etməyə çağırıb.
qafqaz.ir-nin Turan Xəbər Agentliyinə istinadla verdiyi məlumata görə, Mərkəz həmin səbəbdən İsveçrə, Estoniya, Şimali Makedoniyaya səfərləri məhdudlaşdırmağı tövsiyə edib.
Dövlət Departamenti amerikalılara bu ölkələrə səfərlərin qadağan olunması barədə də xəbərdarlıq edib.
Con Hopkins Universitetinin məlumatına görə, son bir həftə ərzində Azərbaycanda orta hesabla gündə 3784-ə yaxın yeni COVİD-19 halı qeydə alınıb, orta hesabla hər gün 35 nəfər vəfat edib.
ABŞ-da isə Son bir həftə ərzində orta hesabla gündə 154000-dən çox yeni infeksiya halı qeydə alınıb.
