Bu gün 11 may Bakı vaxtı ilə saat 17:21-də Lənkəran şəhərindən 15 km məsafədə zəlzələ baş verib.
Tehran Universitetinin Seysmologiya Mərkəzinin verdiyi məlumata görə, yeraltı təkan 5 maqnituda da qeydə alınıb.
Həmin məlumatda əsasən Ümumdünya Vaxtı ilə saat 13:21:47-də Bakı vaxtı ilə isə 17:21:47-də qeydə alınan zəlzələ Coğrafi koordinat sistemi əsasında 38.88 coğrafi uzunluğda və 48.86 coğrafi enlikdə 26 km dərinlikdə Nərimanabaddan 2 km, Limandan 5 km və Lənkəran şəhərindən 15 km məsafədə baş verib.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin verdiyi məlumata görə isə zəlzələ Lənkəran seysmik stansiyasından 16 km şimal-qərbdə, Lənkəran şəhəri, Bəliton kəndi ərazisində 18 km dərinlikdə 5.2 maqnituda qeydə alınıb.
Respublika Seysmoloji Xidmət Mərkəzinin Zəlzələlərin Tədqiqatı Bürosunun Məlumatda deyilir ki, bu zəlzələ episentrdə 6 bala yaxın, Lənkəran, Lerik, Yardımlı, Cəlilabad, Astara, Neftçala, Masallı, Biləsuvar, Saatlı, Salyan, Beyləqan, İmişli, Füzuli və digər rayonlarda 5-3 bala qədər hiss olunub.
Hələlik Zəlzələ nəticəsində hər hansı ehtimal olunan dağıntı və ya insan xəsarəti barədə məlumat yayılmayıb.
Episentri Lənkəran ərazisində olan zəlzələ İranın Ərdəbil vilayətinin şimal şəhərləri o cümlədən Ərdəbil şəhərində də hiss olunub.
