Ayətullah Seyid Həsən Amili bu həftə cümə namazı xütbələrində sionist səfirin yeni hədyanlarına işarə edərək, qeyd etdi
Amerikalı tələbələrin qiyamı və kütləvi olaraq “sionizmə ölüm” çağırışı bu cahil səfirin sözlərinin həqiqətini daha da aydınlaşdırdı
Ayətullah Seyid Həsən Amili bu həftə cümə namazı xütbələrində sionist səfirin yeni hədyanlarına işarə edərək, qeyd etdi: Çoxu qadın və uşaq olan 35 min şəhiddən sonra İsrailin Azərbaycandakı səfiri həya etmədən, utanmadan yenidən müsahibə verib. Görünür, o, güman edib ki, biz azərilərə öz yalanlarını, həyasızlığını sırıya biləcəyi cahil insanlarıq. O, bircə düzgün cümlə dedi, o da budur: “Son hadisələrdən sonra dünya İranın əsl simasının şahidi oldu!”. Düz deyir. Çünki bütün dünya İranın bu hərəkətini yüksək qiymətləndirdi. Daxil olduğun hər ərəb səhifəsinin üzvləri yazır: “Necə də arzulayıram ki, kaş iranlı olaydım!” Amerikalı tələbələrin qiyamı və kütləvi olaraq “sionizmə ölüm” çağırışı bu cahil səfirin sözlərinin həqiqətini daha da aydınlaşdırdı.
O, həmçinin deyib: İran hakimiyyəti terroru dəstəkləyir!
Ekspertlər Şurası Məclisinin üzvü dedi: Nüvə alimlərimizə qarşı bütün sui-qəsdləri İsrail həyata keçirib və onlardan biri Azərbaycanda təlim keçib. Əgər bu 75 ildə İsrailin dəhşətlərini toplasalar, onlarla, yüzlərlə kitab tərtib edilməlidir. 35 min insanın həyatını itirdiyi indiki soyqırım terrorçunun kim olduğunu açıq şəkildə ortaya qoyur!
Ayətullah Amili dedi: Deyir; “Beynəlxalq ictimaiyyətin İran hökumətinə “Bəsdir!” deməsinin vaxtı çatıb. O, İrana qarşı bu arzudadır. Amma əslində dünya İsrailə deyir: “Siz 35 min günahsız insanı öldürdünüz, bəsdir!” İsrailin beynəlxalq məhkəməyə çıxarılması o deməkdir ki, daha bəsdir. Dünyanın əksər ölkələrində İsrailə qarşı nümayişlərin mənası o deməkdir ki, daha kifayətdir.
Onun dediyi ən gülməli şey budur: “Hazırda bizim etməyə çalışdığımız yeganə şey Qəzza müharibəsində mülki insanları öldürməməkdir! Bizim HƏMAS ilə əsas fərqlərimizdən biri odur ki, biz əsgərlərimizi insanların təhlükəsizliyini təmin etmək üçün ön cəbhəyə qoyuruq!” Görünür, bu səfir bunu deyəndə heç də yaxşı əhval-ruhiyyədə olmayıb! O, 35 min günahsız insanı, qadın-kişi qətlə yetirib, indi də həyasızcasına deyir: “Biz dinc əhalinin həyatını düşünürük!”. O, müsahibəsinin sonunda deyib: “İran İsraillə sülh bağlasa, biz də sülhə hazırıq. Necə ki, İordaniya və Misir bizimlə sülh bağlayıb və bütün keçmişi unutdular”.
O əlavə etdi: Səfirə cavab olaraq bu sualın cavabını Kərbəlada zalıma “hə” deməyən və Yezidlə eyni süfrəyə oturmayan uca məqamlı imamımız, İmam Hüseyndən (ə) soruşsun. Cavabınızı Əmirəl-Mömininin (ə) Müaviyəyə buyruğundan alın: “Vallah, səni iki gün hökumətimdə işləməyə qoymaram!” Və Allah Rəsulundan (s) cavab alın ki, o dedi: “Mən bir gündən artıq müşriklərin himayəsində olmağa razı deyiləm!” Cavabınızı Qurandan alın, o buyurur: “Zülm edənlərə meyl etməyin, yoxsa sizə atəş toxunar.” (Hud, 113) və buyurur: Xainləri müdafiə edən (onların xeyrinə mübahisə aparan) olma! (Nisa, 105)
Ayətullah Amili dedi: Qəribədir ki, bu qaniçən rejim heç qan tökməklə kifayətlənmir – və o, Rəfaha hücum edəcəyini təkrarlayır və atəşkəsə səbəb olacaq heç bir danışıqları qəbul etməyəcəyini təkrarlayır – və bununla müsəlmanların evlərinə girərək və cəmi iki yüz gündə 35 min insanı öldürərək və indi İranla sülhə hazır olduqlarını deyir. Sizinlə barışıb, güzəştə gedən, münasibətləri normallaşdıran bütün İslam ölkələri Quran ayələrini, Peyğəmbər (s) sünnəsini, Əhli-beyt (ə) yolunu, insani fitrətini pozublar. Onlar sizdən və ağanız Amerikadan qorxurublar. Amma, Əhli-beyt (ə) ardıcıllarının lüğətində qorxu sözü yazılmayıb. Ağanız 40 ildir ki, bizə təzyiq edir, amma nəticə əksinə oldu.
O əlavə etdi: “Bizim üzərimizə təzyiq artdıqca, İmam Xomeyninin (r.ə.) ifadəsinə əsasən, şirk və küfr üçün aman məktubuna imza atmayacağıq və ancaq Allah qarşısında baş əyəcəyik”.
Həzrət İmam Xomeyni (r.ə.) buyurdu: Həqiqi ruhaniyyətin həyatında olmayan şey küfr və şirk qarşısında güzəştə getmək və təslim olmaqdır. Əgər sümüklərimizi oynaqlardan kəssələr, başımızı dara qoysalar, alovun odunda bizi diri-diri yandırsalar, arvad-uşağımız və varlığımız gözümüzün qabağında əsir və talan edilərsə, biz heç vaxt küfr və şirk amannaməsinə imza atmayacağıq.
O, sonda dedi: İsraillə sülh bağlamış və münasibətləri normallaşdıran İslam dövlətlərinin xalqları bu məsələdə birbaşa məsuliyyət daşıyırlar. Xalqların əməkdaşlığı olmadan hökumətlər Məhəmməd Mustafanın (s) rəhm olunmuş ümmətinə və Quran ayələrinə xəyanət edə bilməzlər. Allah Rəsulu (s) bu mövzuda çox ciddi, sarsıdıcı və qorxunc bir açıqlama vermiş və belə buyurmuşdur: “Necə olacaqsansa, elə də idarə olunacaqsan.”
