Bakıda Gürcüstan səfirliyi qarşısında etiraz aksiyası keçirildi (Fotolar)

Qarabağ Azadlıq Təşkilatı (QAT) Gürcüstanın Azərbaycandakı səfirliyi qarşısında etiraz aksiyası keçirib.

Aksiya Gürcüstan vətəndaşı, milliyyətcə azərbaycanlı Turqay Mikayılovun Ermənistan sərhədçiləri tərəfindən tutulmasına etiraz olaraq təşkil edilib.

Həmçinin piketdə son aylarda Ermənistan-Gürcüstanda sərhədində azərbaycanlıların toplu halında yaşadıqları ərazilərin ermənilər tərəfindən zəbt olunmasına etiraz edilib.

Aksiyada “Turqay Mikayılova azadlıq!”, “Gürcüstan ərazisində ikinci Dağlıq Qarabağ münaqişəsi yaşanmasın!” və s. şüarlar səsləndirilib.

Sonda aksiyanın qətnaməsi oxunub, sənəd səfirliyə təqdim olunub.