Salyan rayon sakini Nəqliyyat Nazirliyinin yollarda töycü yığan əməkdaşlarından baş prokuror Zakir Qaralova şikayət edib.
Salyan şəhəri, T.Davudzadə küçəsi, ev 72-də yaşayan Məhəbbət Şakil oğlu Miriyev virtualaz.org saytının redaksiyasına ünvanlandığı məktubunda yazır ki, o, dünən – 13.04.2015-ci il tarixdə Ələt-Bakı avtomobil yolunun Bakı Dərin Dəniz Özülləri Zavodunun qarşısından keçən hissəsində özünə məxsus olan “Ford” markalı, 90 SE 576 dövlət nömrə nişanlı, kiçik tutumlu yük maşını ilə hərəkətdə olarkən Nəqliyyat Nazirliyi Avtomobil Yük Daşımalarının Təşkili İdarəsinin özlərini təqdim etməyən müfəttişləri tərəfindən saxlanılıb.
“Müfəttişlər çox çək-çevir etdikdən sonra məndən 380 manat tələb etdilər. Sonra 120 manata razılaşdıq. Verdiyim pulun müqabilində isə mənə 3 ədəd möhürlü mədaxil qəbzi verilib. Amma bu qəbzlərin heç birinin üzərində məbləğ göstərilməyib. Mən isə bu pulu dövlət büdcəsinə köçürülməsi üçün ödəmişdim. Sizdən xahiş edirəm bu məsələyə hüquqi qiymət verilməsinə yardım göstərəsiniz” – deyə M.Miriyev yazır.
