Vəkil Yalçın İmanov bu gün Qobustan Qapalı Həbsxanasında AİP lideri Mövsüm Səmədovla görüşüb.
Qafqaz.ir xəbər verir ki, bu barədə “İslaminSesi”-nə Yalçın İmanovun özü məlumat verib. Müvəkkilinin səhhətinin və əhval ruhiyyəsinin normal olduğunu söyləyən Yalçın İmanov, Mövsüm Səmədovun qarşıdan gələn müqəddəs Ramazan ayı münasibəti ilə Azərbaycan xalqını təbrik etdiyini söyləyib.
AİP liderinin müqəddəs ay münasibəti ilə xalqımıza xoşbəxtlik, ilahi səadət və birlik arzuladığını söyləyən vəkil, “doktor Səmədov eyni zamanda müqəddəs ay münasibəti ilə məhbus ailələrinə də öz təbriklərini çatdırdı və onlara Allahdan səbr arzuladığını söylədi”, – deyə bildirdi.
Xatırladaq ki, M. Səmədov 2011-ci ilin yanvar ayında partiyanın baş məclisində hakimiyyət əleyhinə sərt çıxış etdikdən sonra həbs olunub. O, bir neçə ağır cinayət maddələri ilə ittiham edilərək 12 il müddətinə azadlıqdan məhrum edilib.
