Xanım Zəhra (s.ə.) mövludu “Hüseyniyyə”də qeyd olundu/foto
Azərbaycan xalqının Əhli-beytə (ə) olan sonsuz sevgisinin təcəssümü olaraq Məsumların doğum və şəhadət günləri xüsusi sevgi ilə ölkəmizdə həmişə qeyd olunub.
Bu gecə də bütün dünyada olduğu kimi ölkəmizin müxtəlif nöqtələrində Xanım Fatimənin (s.ə.) mövlud günü qeyd edilməkdədir. Allah Rəsulunun (s) gözünün nuru Fatimənin (s.ə.) mövlud günü bu il də pandemiya şəraitində qeyd olunduğu üçün Zəhra (s.ə) sevənlər bu mərasimləri daha çox virtual olarq izləyə bilib. Belə tədbirlərdən biri də Əhmədlidə yerləşən “Hüseyniyyə”də Hacı Ramil Bədəlovun rəhbərliyi altında gerçəkləşib. Quranla mərasimi başlayan qari Hacı İlkinini ardınca şair Hacı Aslan xanım Zəhradan (s.ə.) şerlər oxuyub. Bundan sonra ilahiyyatçı Hacı Ramil Xanım Zəhranın (s.ə.) insanlığa nümunə olan həyatından bəzi məqamlara diqqət çəkib. Davamında şair kərbəlayi Tamerlan şerlər ifa edib və gecənin sonda Seyid Xalid qəsidə ilə mərasimi bitirib. Gecədə dualar edilərək vətən şəhidləri də anılıb.
