Ermənistanın müdafiə naziri Hindistana gedib

  Ermənistanın müdafiə naziri Suren Papikyanın rəhbərlik etdiyi nümayəndə heyəti Hindistana işgüzar səfərə yola düşüb.

Sputnik Armeniya xəbər verir ki, bu barədə Ermənistan Müdafiə Nazirliyinin mətbuat katibi Aram Torosyan bildirib. Qeyd edək ki, bir müddət əvvəl Hindistan Ermənistanla çoxlu sayda raket, reaktiv mərmi və sursatların ixracına dair müqavilə imzalayıb.

Müqavilələrin ümumi məbləği tam olaraq açıqlanmasa da, yaxın aylarda Hindistan Ermənistana təqribən 245 milyon ABŞ dolları məbləğində silah göndərəcək.