Tbilisidə Xanım Zeynəbin (s.ə) mövlud mərasimi keçirilib – FOTO

Qafqaz.ir  xəbər verir ki, Tbilisidə Alulbeyt Dini Mədəniyyət Mərkəzinin tədbir zalında Kərbəlanın xanım qəhrəmanı, İslam peyğəmbərinin (s) əziz nəvəsi Xanım Zeynəbin (s.ə) mübarək mövlud gününə həsr olunmuş bayram tədbiri keçirilib.
Bütün Gürcüstan Müsəlmanları İdarəsinin “Müsəlman Qadınlar İcmasının” təşkilatçılığı ilə keçirilən tədbir ənənəvi olaraq icmanın üzvü Hafizə Hüseynovanın Qurani-Kərimdən oxuduğu mübarək ayələrlə açıq elan edildi. Tədbirin davamında aparıcı Ayşən Nəbiyeva çıxış üçün sözü “Müsəlman Qadınlar İcmasının” üzvlərinə verib.
Tədbirdə Xanım Zeynəbin (ə) həyatı və fəzilətləri haqqında Səbinə Rzayevanın, “Xanım Zeynəbin (ə) timsalında düzgün tərbiyə metodu” mövzusunda Esmira Nəsibovanın, “Xanım Zeynəb (ə) sağlam psixologiya nümunəsi” mövzusunda Naidə Hacıyevanın çıxışları və eləcə də Gülşən Nemətova və Minarə Nəbiyevanın bayram təbriklər dinlənilib.
Məclis fərəc duası və ehsan süfrəsi ilə sona çatıb.