İlahiyyatçı, Müsəlman Birliyi Hərəkatının sədri Tale Bağırzadə aclıq aksiyasına başlayıb. Bu barədə məlumatı ilahiyyatçı özü bildirib.

İyunun 3-də, cümə günü cəza çəkdiyi Qobustan həbsxanasının rəhbərliyinə aksiya ilə bağlı yazılı bildiriş edərək o, son dövrlər polis idarələrində vətəndaşlara verilən işgəncələr fonunda Allahın söyülməsi, təhqiri dayandığını bildirib.

Bütün bunların bəşəri dəyərlərin alçaldılması, inanca qarşı qəbul edilməz addım olduğunu bildirən T. Bağırzadə Dövlət Təhlükəsizlik Xidməti adından edilən cinayətin hər bir iştirakçısının cəzalanmayacağı təqdirdə sonu şəhadət olan bu addımında israrlı olacağını bəyan edib.

O eyni halda bu işin dini düşüncəsindən asılı olmayaraq hər bir vicdanlı şəxsin narahatlıq amili olacağını söyləyib.