Qafqaz.ir xəbər verir ki, ötən gün saxlanılan ilahiyyatçı, Maide.az saytının rəhbəri Şeyx Sərdar Hacıhəsənli (Babayev) barəsində 4 aylıq həbs qərarı çıxarılıb.
Bu barədə tanınmış ruhaninin vəkili Cavad Cavadov bildirib.
Şeyx Sərdar AR Cinayət Məcəlləsinin 274-cü (dövlətə xəyanət) maddəsi ilə ittiham edilir.
Xatırladaq ki, Şeyx Sərdar Hacıhəsənli bundan əvvəl 2017-ci ildə Masallı rayonunda cümə namazı qaldırdığı üçün həbs edilmiş, 3 il azadlıqdan məhrum edilmişdi. 2020-ci il fevralında azadlığa çıxan namaz məhbusu Şeyx Sərdar bu dəfə vətənə xəyanət ittihamı ilə həbs olunub.
