Şəhid Zeynal Şahhüseynlinin şəhadətinin 40 mərasimi keçirilib FOTO / VİDEO
II Qarabağ müharibəsində ağır yaralanaraq şəhid olan Şəhid Zeynal Kərbəlayi Füzuli oğlu Şahhüseynlinin şəhadətinin qırıxıncı günü münasibətilə əza mərasimləri keçirilib.
İlkin mərasim şəhidin böyüdüyü yurdda – Masallı şəhərində keçirilib. Mərasim müqəddəs ayələrin tilavətilə başlayıb.
Söhbət edilib, rövzə oxunub.
Mərasimdə bir sıra ictimai-siyasi xadimlər, o cümlədən ölkə ruhaniləri Şeyx Sərdar Hacıhəsənli, Hacı İlqar İbrahimoğlu, Ağadadaş Müslümov, Xanmirzə Hüseyov, Kamran Dadaşzadə, yazıçı İlqar Kamil və digərləri iştirak ediblər.
Mərasim zamanı Şəhid mübarək məzarı mərasim iştirakçıları tərəfindən ziyarət olunub.
Daha bir əza mərasimi müqəddəs Qum şəhərində şəhidin yaxın dostları və onu sevənlər tərəfindən qurulub. Mərasimdə şəhid atası Kərbəlayi Füzuli Şahhüseynli də iştirak edib. Hacı Nəsimi Əsgərzadənin müqəddəs Quran tilavətindən sonra dr. Hacı Cəbrayıl Abıyev məclis iştirakçıları qarşısında moizə edib, şəhidin Azərbaycan xalqının nəzdindəki yerinə işarə edib. Məclis rövzə və mərisyyələrlə yekunlaşıb.
