Almaniyanın “Deutsche Welle” xəbər agentliyi Ər-Riyad-Tehran danışıqlarının davam etməsi ilə bağlı məlumat yayıb.
Agentlik Səudiyyə Ərəbistanı nümayəndə heyətinin İrana səfər etdiyini, lakin səfərin rəsmi təsdiqini tapmadığını bildirib.
İran-Ərəbistan münasibətləri barədə təhlil aparan xəbər agentliyi bu xüsusda yazıb ki, Səudiyyə Ərəbistanı ilə İran arasındakı soyuq münasibətlər istiləşməkdədir və bu isti münasibətlər ikitərəfli əlaqələrin bərpasına səbəb ola bilər:
“İki ölkə arasında diplomatik ofislərin tezliklə açıla biləcəyi real görünsə də, onların yaxın müttəfiq olacağı ehtimalı azdır”.
