İranın yeni seçilmiş prezidenti seyyid İbrahim Rəisi Azərbaycan prezidenti İlham Əliyevin təbrik məktubuna cavab verib.
Mehr agentliyinin məlumatına görə, İbrahim Rəisi prezident İlham Əliyevdən səmimi təbrik məktubu almasından məmnunluq ifadə edərək bildirib ki, iki dost, qardaş və qonşu ölkənin əlaqələri xalqlarımızım qardaşlıq bağlarına, ortaq mədəniyyətinə və tarixinə söykənir.
Rəisi Azərbaycanın öz işğal altındalı torpaqları azad etməsi, eləcə də İran sərhədinə nəzarətin tam təmin olunması münasibətilə prezident İlham Əliyevi təbrik edib.
İranın yeni seçilmiş prezidenti bildirib ki, yeni fürsətlərdən faydalanaraq və məsləhətləşmə yolu ilə əməkdaşlıq yüksələn templə inkişaf edəcək, bölgədə sabitliyin və əmin-amanlığın möhkəmlənməsinə öz töhfəsini verəcəkdir.
