İran İslam Respubklikası prezidenti Seyid İbrahim Rəisi qardaş və qonşu ölkə Azərbaycanın Tehrandakı səfirliyinə silahlı hücumu pisləyib, məhkəmə və polis orqanlarına məsələ ilə bağlı hərtərəfli araşdırma aparmağı tapşırıb.
Qafqaz.ir-nin məlumatına əsasən, bu barədə prezidentin siyasi məsələlər üzrə müavini Məhəmməd Cəmşidi cümə günü özünün Tvitter hesabında məlumat yayıb.
Məlumata əsasən, Rəisi hadisə nəticəsində həyatını itirən səfirlik əməkdaşının yaxınlarına, Azərbaycan hökumətinə və xalqına başsağlığı verib, həmçinin hadisə ilə bağlı dərhal hərtərəfli araşdırma aparılmasını tapşırıb.