«Əfv məsələsinə Mövsüm Səmədovun münasibəti bəllidir». FaktXəbər-in verdiyi məlumata görə, bunu Azərbaycan İslam Partiyasının (AİP) həbsdə olan sədri Mövsüm Səmədovun vəkili Anar Qasımlı son günlər gündəmdə olan əfvlə bağlı informasiyalara münasibət bildirərkən deyib.
Vəkilin sözlərinə görə AİP sədri ilə çoxdandır ki, görüşmür: «Onunla dekabrın sonlarında görüşəcəm və ilin yekunları barədə müzakirələr aparacağıq».
Qeyd edək ki, Mövsüm Səmədov 2011-ci il yanvar ayının 2-də partiyanın Baş Məclisində Azərbaycan hakimiyyətinin ünvanına tənqidi çıxışdan 5 gün sonra yanvar 7-də həbs edilib. Həmin dövrdə AİP lideri haqqında yanvarın 20-də həbs qətimkan tədbiri seçilib. Oktyabrın 7-də Bakı Ağır Cinayətlər Məhkəməsinin çıxardığı hökmlə Mövsüm Səmədov 12 il azadlıqdan məhrum edilib.