Türkiyə məktəblərində hicab qadağası götürüldü
Mustafa Kamal Atatürkün mövqeyini əks etdirən tərif mətndən çıxarıldı.
Dindar türk qızları məktəbə çarşabda gedə bilərlər.
Oxu.Az İTAR-TASS-a istinadən xəbər verir ki, yerli mətbuat orqanları ötən bazar ertəsi hökumət iclasında müvafiq qərar qəbul edib.
Türkiyənin təhsil haqqında qanununda müəllim və tələbələrin xarici görünüşünə olan tələblər ayrıca verilmişdi. Əsas tələblərdən biri onların dərsə başıaçıq gəlmələridir. Mustafa Kamal Atatürkün prinsipial mövqeyini əks etdirən tərif mətndən götürülüb.
Türk ictimaiyyətinin bir hissəsi hakimiyyətin bu təşəbbüsünü dövlətin islamlaşdırılmasına cəhd kimi görürlər. Hakimiyyət isə öz növbəsində bildirir ki, bununla onlar imanlı vətəndaşların hüquqlarını qorumuş olurlar. Daha öncə şagird və tələbələrin dərsə başıbağlı gəldikləri üçün məktəb və universitetlərdən xaric edilmələri ilə əlaqədar onlarla qalmaqallı hadisə baş verib.
