Paşinyan Qarabağ münaqişəsinin həllində Minsk Qrupuna arxalanır İyun 17, 2022 11:00 Asia/Baku Paşinyan Qarabağ münaqişəsinin həllində Minsk Qrupuna arxalanır Ermənistanın baş naziri Qarabağ ətrafındakı vəziyyəti ATƏT PA prezidentinin diqqətinə çatdırıb. SəhərAzəri-nin məlumatına əsasən, Nikol Paşinyan ATƏT Parlament Assambleyasının prezidenti Marqareta Sederfeltin başçılıq etdiyi nümayəndə heyətini qəbul edib. Baş nazir bu görüşdə Qarabağ ətrafındakı vəziyyətlə bağlı deyib ki, regional sabitliyə xələl gətirən təxribat xarakterli bəyanatlara və hərəkətlərə son qoymaq lazımdır. Paşinyan həmçinin Qarabağ münaqişəsinin ATƏT-in Minsk Qrupu çərçivəsində hərtərəfli həllinin zəruriliyini vurğulayıb. O,söhbətinin davamında Azərbaycanın nəzarəti altında olan ərazilərdə erməni mədəni irsinin məhv edilməsinə yönəlmiş addımlara beynəlxalq ictimaiyyət tərəfindən adekvat reaksiya verilməsinin zəruriliyini istəyib. Xatırladaq ki, Ermənistandan fərqli olaraq Azərbaycan Respublikası Qarabağ münaqişəsinin həll olunduğunu və bu səbəbdən də Minsk Qrupuna ehtiyac qalmadığını deyir. Prezident İlham Əliyev bununla əlaqədar dünən “Qlobal dünya düzəninə təhdidlər” mövzusunda keçirilən IX Qlobal Bakı Forumunun açılış mərasimində çıxışı zamanı deyib: “ATƏT-dən mandat alan Minsk qrupu 28 il ərzində heç bir nəticə əldə etməyib. Ona görə də Azərbaycan Qarabağ münaqişəsini həll edəndən sonra Minsk qrupuna ehtiyac qalmayıb”. Dövlət başçısı bildirib ki, xüsusilə Rusiya-Ukrayna müharibəsindən sonra Minsk Qrupunun üç həmsədrinin görüşünün mümkünsüzlüyünü hamı anlayır. “Biz artıq Minsk qrupu həmsədrlərinin institutunun fəaliyyət göstərməyəcəyi ilə bağlı mesajlar almışıq. Onlar artıq təqaüd yaşına çatıblar. Beləliklə, mövqeyimizi bildirmək istəyirəm ki, Ermənistanda və ya hər hansı başqa ölkədə Minsk Qrupu ilə bağlı hər hansı spekulyasiya Azərbaycanda yalnız qıcıq oyadır. Biz münaqişəni həll etdik. Minsk Qrupu tərəfindən hazırlanan Madrid prinsipləri yerinə yetirilib. İndi biz Ermənistanla münasibətləri normallaşdırmaq yolları barədə düşünməliyik, sülh sazişi imzalamalıyıq”, – deyə Azərbaycan Prezidenti vurğulayıb
Ermənistanın baş naziri Qarabağ ətrafındakı vəziyyəti ATƏT PA prezidentinin diqqətinə çatdırıb.
Nikol Paşinyan ATƏT Parlament Assambleyasının prezidenti Marqareta Sederfeltin başçılıq etdiyi nümayəndə heyətini qəbul edib.
Baş nazir bu görüşdə Qarabağ ətrafındakı vəziyyətlə bağlı deyib ki, regional sabitliyə xələl gətirən təxribat xarakterli bəyanatlara və hərəkətlərə son qoymaq lazımdır.
Paşinyan həmçinin Qarabağ münaqişəsinin ATƏT-in Minsk Qrupu çərçivəsində hərtərəfli həllinin zəruriliyini vurğulayıb.
O,söhbətinin davamında Azərbaycanın nəzarəti altında olan ərazilərdə erməni mədəni irsinin məhv edilməsinə yönəlmiş addımlara beynəlxalq ictimaiyyət tərəfindən adekvat reaksiya verilməsinin zəruriliyini istəyib.
Xatırladaq ki, Ermənistandan fərqli olaraq Azərbaycan Respublikası Qarabağ münaqişəsinin həll olunduğunu və bu səbəbdən də Minsk Qrupuna ehtiyac qalmadığını deyir.
Prezident İlham Əliyev bununla əlaqədar dünən “Qlobal dünya düzəninə təhdidlər” mövzusunda keçirilən IX Qlobal Bakı Forumunun açılış mərasimində çıxışı zamanı deyib: “ATƏT-dən mandat alan Minsk qrupu 28 il ərzində heç bir nəticə əldə etməyib. Ona görə də Azərbaycan Qarabağ münaqişəsini həll edəndən sonra Minsk qrupuna ehtiyac qalmayıb”.
Dövlət başçısı bildirib ki, xüsusilə Rusiya-Ukrayna müharibəsindən sonra Minsk Qrupunun üç həmsədrinin görüşünün mümkünsüzlüyünü hamı anlayır.
“Biz artıq Minsk qrupu həmsədrlərinin institutunun fəaliyyət göstərməyəcəyi ilə bağlı mesajlar almışıq. Onlar artıq təqaüd yaşına çatıblar. Beləliklə, mövqeyimizi bildirmək istəyirəm ki, Ermənistanda və ya hər hansı başqa ölkədə Minsk Qrupu ilə bağlı hər hansı spekulyasiya Azərbaycanda yalnız qıcıq oyadır. Biz münaqişəni həll etdik. Minsk Qrupu tərəfindən hazırlanan Madrid prinsipləri yerinə yetirilib. İndi biz Ermənistanla münasibətləri normallaşdırmaq yolları barədə düşünməliyik, sülh sazişi imzalamalıyıq”, – deyə Azərbaycan Prezidenti vurğulayıb.
