İran səfiri: “Həmsədrlər BMT-in Qarabağla bağlı qətnamələrinin icrasına təsir göstərməlidirlər”

İranın Azərbaycandakı səfiri bildirib ki, Həmsədrlər BMT-in Qarabağla bağlı qətnamələrinin icrasına təsir göstərməlidirlər.

Möhsün Pakayin keçirdiyi mətbuat konfransında deyib: “Dağlıq Qarabağ münaqişəsi ilə bağlı mövqeyimiz dəyişməyib və biz Azərbaycanın yanındayıq. Ümid edirik ki, münaqişə Azərbaycanın ərazi bütövlüyü çərçivəsində, beynəlxalq qanunlara əsasən sülh yolu ilə həll olunacaq.

Diplomat qeyd edib ki, Minsk Qrupu həmsədrləri BMT Təhlükəsizlik Şurasının üzvləri olduğu üçün BMT qətnamələrinin icrasına təsir göstərməlidirlər.

İran səfiri həmçinin deyib: “Yaxın vaxtlarda Azərbaycanla İran arasında vizaların ləğvi məsələsi gündəmdədir”.