“Gürcüstandan 300-ə yaxın mömin Kərbəla ziyarətinə yola düşüb” – FOTO
Həzrət İmam Hüseynin (ə) 40 mərasimi ilə əlaqədar milyonlarla insanlar dünyanın hər bir yerindən Kərbəla ziyarətinə üz tuturlar.
Bu il Gürcüstandan da 300-ə yaxın mömin Kərbəla ziyarətinə yola düşüblər. Zəvvarların Kərbəla, Nəcəf şəhərlərində yerləşən müqəddəs ziyarətgahları və tarixi dini yerləri ziyarət edəcəkləri nəzərdə tutulub.
“Bu ziyarət karvanlarının təşkilində zəhməti olan Marneuli – “İmam Əli (ə)” adına Xeyriyyə Fonduna, Tbilisi, “Əhli-beyt”, “Ali Əba” və Həzrət Həmzə məscidlərinin əhlinə, təşkilində, bələçiliyində zəhməti olan bütün ruhani və möminlərə, eləcə də ziyarət karvanlarının yola düşməsinə şərait yaradan, dəstək olan hər təşkilat və şəxsə təşəkkür edir, Allahdan əcr istəyirik” – məlumatda deyilir.
Qeyd edilir ki, mehriban Allahdan zəvvarlarımızn ziyarətinin qəbul olunması, onların sağ salamat ailələrinə qayıtmasını dilənilir.
