Astaralı idmançılar İranda keçirilən beynəlxalq yarışlarda uğurla çıxış ediblər

Astaralı idmançılar İranın Gilan əyalətinin Astara şəhərində keçirilən beynəlxalq yarışlarda uğurla çıxış ediblər.

AZƏRTAC xəbər verir ki, beynəlxalq yarışda ölkəmizi təmsil edən “Astara” komandası çimərlik futbolu üzrə yarışda birinci yerə sahib olub. Astaralı futbolçular finalda “Ərdəbil” komandasına 7:4 hesabı ilə qalib gəliblər.

İran Astarasında keçirilən karate yarışında da astaralı idmançılar uğurla çıxış ediblər. Zamin Baxşıyev 60 kiloqram çəki dərəcəsində birinci, Sadiq Tahirov isə 38 kiloqram çəki dərəcəsində ikinci yeri tutublar.