qafqaz.ir xəbər verir ki, Beyrutda güclü partlayış baş verib.
Bəzi mənbələr partlayışın Livanın sabiq baş naziri Saad Həririnin evi yaxınlığında olduğunu bildirib. Sabiq baş nazirin xəsarət almadığı önə çəkilir.
“Aljazeera” telekanalı partlayışın Beyrut Limanı, partlayıcı maddə yerləşən anbarda baş verdiyini bildirib. Partlayış zamanı ölən və yaralananların olduğu önə çəkilir.
Partlayışın gücündən titrəmənin ətraf rayonlarda da hiss edildiyi qeyd edilir.
İsrail tərəfi bəzi KİV-nin bir müddət əvvəl qırıcı hücumları ilə bağlı məlumatını təkzib edib və partlayışın onlarla əlaqəli olmadığını bildirib. Partlayışın əsl səbəblərinin bir müddət sonra açıqlanacağı deyilir.
