İsrail qüvvələrinin maneə yaratmasına baxmayaraq Qüdsdə cümə namazına 60 min fələstinli qatıla bilib.
Əl-Aləm xəbər verir ki, bu barədə Fələstinin İslami Vəqf İdarəsi açıqlama verib.
Bildirilib ki, bu gün əl-Əqsa məscidində cümə namazına 60 min fələstinli qatıla bilib.
Fələstinlilər əsasən işğal altında olan İordan çayının qərb sahilindən və İsrailin daxilindən gəlmiş “48-ci ilin ərəbləri”dir.
İsrail qüvvələri əl-Əqsa məscidinin darvazalarına və Qüdsün qədimi şəhərinə əlavə qüvvələr cəlb edib. Qeyd edək ki, İsrail əl-Əqsa məscidinə girişə yaş məhdudiyyəti qoyub.
