İslam inqilabının aliməqamlı rəhbəri sabah seçkilərin ilk dəqiqələrində səs verəcək. Aliməqamlı rəhbərin seçkilərdə iştirakı canlı olaraq SəhərAzəri Tv-nin efirindən yayımlanacaq.
Qafqaz.ir-nin məlumatına görə, islam inqilabının aliməqamlı rəhbəri Həzrət Ayətullahül-üzma Xamenei sabah cümə iyun ayının 18-də seçkilərin başlandığı ilk dəqiqələrdə “13-cü prezident seçkiləri “ , “Şəhər və Kənd Bələdiyyələri üzrə 6-cı seçkilər”, “Rəhbəri təyin edən 5-ci Xobreqan Məclisinin boş yerləri üçün seçkilər” eləcə də “İslami Şura Məclisinin 11-ci dövrünun boş yerləri üçün seçkilər”-də öz səslərini Tehranda İmam Xomeyni(r.ə) Hüseyniyyəsində 110 saylı səyyar seçki qutusuna atacaqdır.
İslam inqilabının aliməqamlı rəhbəri Həzrət Ayətullahül-üzma Xameneinin seçkilərdə iştirakı İran İslam Respublikası Teleradio Təşkilatının Televiziya kanallarından, KHAMENEI.IR portalından, sosial şəbəkələrdən və SəhərAzəri Televiziyasından canlı olaraq yayımlanacaq.
