“Sionist rejiminin başçıları bilsinlər ki, onlar üçün ölüm həyatın sonu amma iranlı müsəlman gənclər üçün yeni həyatın başlanğıcı və iftixarlı həyat deməkdir. Onlar münasib məkan və zamanda şəhidlərin intiqamını görəcəklər. İran müqavimət mehvərini möhkəmləndirmək, Amerikanın və sionist rejiminin hegemonluğunun qarşısında durmaq üçün yalnız bir bölgə və bir ölkə ilə kifayətlənməyəcək.”
Qafqazşir TasnimNews-a istinadla xəbər verir ki, bunu Təbrizin imam-cüməsi höccətül-islam Seyid Məhəmmədəli Ali-Haşim deyib.
Bundan öncə İslam İnqilabının Ali liderinin beynəlxalq məsələlər üzrə müşaviri Əli Əkbər Vilayəti də Dəməşqə səfəri zamanı şəhid edilən Sepah hərbçilərinə görə sionistlərdən intiqam alacaqlarını demişdi.
Sionist rejimi təyyarələri ötən həftə Suriyanın T-4 bazasını vuran zaman 7 iranlı hərbçi şəhid olmuşdu.
