Əsgər anası: “Prezident və Baş nazir niyə övladlarını hərbi xidmətə göndərmir?”
Türkiyənin Manisa şəhərinin Sarıgöl rayonunda əsgər anası həm terrorçuluğu, həm də ölkə rəhbərlərini tənqid edib. Oğlu, Siirtin Əruh rayonunda xidmətdə olan Əlif İncə yaxın dostu olan şəhid çavuşun anası Huma Dirikə sarılaraq ona dəstək olmağa çalışıb. Əlif İncə daha sonra evin həyətində və küçədə toplaşan yüzlərlə adamın qarşısında, həm PKK terror təşkilatını, həm də prezident Rəcəb Tayyib Ərdoğanı və Baş nazir Əhməd Davudoğlunu sərt tənqid edib. Vətəndaşların da sözlərinə alqışlarla dəstək verdiyi Əlif İncə bunları deyib: “Vətən hər kəsin vətənidir. Heyif bu cavanlara və heyif bu analara. Hər gün mən də gözləyirəm ki, növbə mənə nə vaxt çatacaq. Bir çıxış yolu tapsınlar artıq!Bəsdir! Böyüt, bəslə, oxut, bir güllə ilə öldürsünlər. Biz nələr çəkmişik onları böyüdənədək. Elin üç soyğunçusu öldürsün deyə böyütmədik onları! Ar olsun!”. Əlif İncə yanına gələrək ona təsəlli verməyə və sakitləşdirməyə çalışan Sarıgöl bələdiyyə sədri Necati Səlcuqa, “Necə sakit olum?! Şəhid əsgərin anası Huma ana öldü artıq. Bundan sonra necə yaşayacaq?! Övlad öldüsə, ana da öldü” – deyə söyləyib.
