“Meraclılar” adlı teleserialın çəkilişi zamanı Tehranın yaxınlığında yerləşən kino şəhərciyində baş vermiş partlayış Bakıdakı bəzi media orqanlarının anti İran təbliğatında yeni suistifadə vasitəsinə çevrilib.
ABŞ-dan yönlənən Mediaforum saytı “İran kinosunun meydanı” sərlövhəli məqalədə bu partlayışı bəhanə edərək yazıb : “Çıxılmaz bir vəziyyətə düşən müasir İran kinosu get-gedə özünü partladan kamikadzeyə bənzəyir.”
İran kino sənətində baş vermiş bu hadisəni daimi təhlükə meydançası kimi qələmə verən amerkan sayta əlavə edib : “Bu, dəhşətli faktdır, bu faciənin səbəbi isə siyasətdə olanlardır. Sənətkarlıq baxımından heç də başqa ölkələrin kinosundan geri qalmayan bu müsəlman ölkəsinin kino şəhərciyi artıq potensial təhlükə ocağına çevrilib.”
İrana qarşı tətbiq olunmuş ədalətsiz sanksiyaların bu qəbil hadisələrdə də təsirli olmasını yazan amerikan sayt bu məsələdə də iranlı orqanları günahkar sayıb.
