Çeçenistan Prezidenti Ramzan Kadırov islam dünyasını ABŞ-a qarşı birləşməyə çağırıb.
Qafqaz.ir xəbər verir ki, müsəlman aləmini İnstaqram hesabında mübarizəyə səsləyən çeçen lider ABŞ-a qalib gəlməyin mümkün olduğunu deyib:
“Mən bir daha, bütün inciklikləri unutmaq üçün özümüzdə güc taparaq ABŞ-ın islam dünyasını yox etmə səylərinə qarşı birləşməyə, tək yumruq olmağa, tək cəbhə olmağa çağırıram. Ən kritik anda hər şeyin yaxşılığa doğru dəyişəcəyinə yüzdə min əminəm. Bunun üçün özünüzdə güc, iradə, ağıl və cəsarət tapıb, ABŞ-a və müttəfiqlərinə “yox” deməlisiniz”.
