Türkiyənin xarici işlər naziri Mövlud Çavuşoğlu ABŞ-ın müdafiə büdcəsi layihəsindən F-16 təyyarələrinin Türkiyəyə satışı ilə bağlı məhdudlaşdırıcı şərtləri ehtiva edən maddələrin çıxarılmasını “müsbət addım” adlandırıb.
nazir bu barədə moldovalı həmkarı Niku Popesku ilə birgə mətbuat konfransında bildirib.
“Bu müsbət addımdır. Biz prosesin tamamlanmasını səbirsizliklə gözləyirik”, deyə Çavuşoğlu qeyd edib.
Çavuşoğlu xatırladıb ki, bu mövzu Amerika tərəfi ilə işçi qrupları səviyyəsində, həmçinin iki ölkə prezidenti Rəcəb Tayyib Ərdoğan və Co Bayden arasında şəxsi görüş zamanı müzakirə edilib.
Onun sözlərinə görə, ABŞ administrasiyası Türkiyə ilə müdafiə sahəsində əməkdaşlıq mövzusunu müsbət qəbul etdiyini dəfələrlə bəyan edib.
“ABŞ Türkiyə ilə əməkdaşlığın NATO-nun da maraqlarına cavab verdiyini bəyan edib. Ona görə də, fikrimcə, ABŞ-da qanun layihəsi təsdiqlənməlidir. Bu, bütün tərəflərin maraqlarına uyğundur”, deyə nazir əlavə edib.
Bundan öncə Ankara Türkiyə Hərbi Hava Qüvvələrinin balansında olan 40 ədəd yeni F-16 Blok 70 təyyarəsinin alınması və 80 ədəd F-1
