Nəcəf Mərcəisi Ayətullah Seyid Həkimdən Azərbaycana dəstək – Foto
İraqın Nəcəf mərcəi təqlid müctehidlərindən olan Ayətullah əl-Uzma Seyid Məhəmməd Səid əl-Həkim Azərbaycana dəstək bəyanatı verib.
“Hazırda Azərbaycan Respublikasının cənub-qərb hissəsində baş verən xoşagəlməz vəziyyəti böyük narahatlıqla izləyirik və xüsusilə dinc sakinlər arasında yaranan itkilər və qurbanlara görə dərin kədərimizi ifadə edirik.
Bu böhranın Azərbaycanın ərazi bütövlüyünə hörmət edilməsinə və ərazilərin zorla işğalına son qoyulmasına və bütün köçkünlərin şəhərlərinə hörmət və ləyaqətlə qayıtmasına çağıran BMT Təhlükəsizlik Şurasının müvafiq qərarlarının icrasının əsas götürülərək həll olunmasının vacibliyini təsdiq edirik.
Uca Allaha bölgə və dünyada ədalət təməlləri üzərində təhlükəsizlik və sülhün hökm sürməsi üçün dua edirik.”
