Gənclərin sosial şəbəkələrdəki paylaşımlara görə saxlanıldığı deyilir
İslamazeri.az-ın “Azadlıq” qəzetinə istinadən verdiyi xəbərə görə, bu gün (30.01) Zaqatalada keçirilməsi planlaşdırılan aksiyaya görə saxlanılanlar var. Yerli mənbələrdən daxil olan məlumata görə, tutulan gənclərdən ikisinin kimliyi bəlli olub. Bunlar Zaqatalanın Yuxarı Tala kənd sakinləri Səbuhi Mahmud oğlu Nusalov və Vaqif Kahov oğlu Hüseynovdur. Hər iki şəxs ictimai asayişi pozmaqda günahlandırılıb, yerli məhkəmə barələrində 25 sutka həbs qərarı çıxarıb.
