Bioloji fəaliyyətlər araşdırılsın! – TƏHLİL

 Sergey Lavrov Ukraynadakı bioloji laboratoriyaların fəaliyyəti ilə bağlı araşdırmalara ehtiyac olduğunu bildirib. Onun sözlərinə görə, ABŞ-ın bioloji silahlara nəzarətin əleyhinə olması Vaşinqtonun digər ölkələrdə bioloji silahlar hazırlamaq cəhdlərinin qeyri-insani mahiyyətini göstərir və onlar bu silahlardan düşmənlərinə və rəqiblərinə qarşı istifadə etmək niyyətindədir.

Rusiyanın Ukraynaya hücumu zamanı bioloji laboratoriyaların yerləşdiyi bəzi əraziləri zəbt etməsi bu mərkəzlərin fəaliyyətinin mahiyyətinin nədən ibarət olduğunu ifşa etdi, xüsusən də həmin mərkəzlərdə ABŞ Müdafiə Nazirliyinin maliyyəsi və dəstəyi ilə fəaliyyət göstərən müxtəlif patogenlərin istehsalı aşkar edilib.

Bir müddət əvvəl Rusiyanın BMT-dəki daimi nümayəndəsi Vasili Nebenzia bildirib ki, Ukrayna ABŞ Müdafiə Nazirliyinin birbaşa dəstəyi ilə hərbi bioloji proqram çərçivəsində təhlükəli layihələr həyata keçirir və bu fəaliyyətlərin Ukrayna ərazisində və Rusiyanın qərb sərhədləri yaxınlığında həyata keçməsi Rusiyanın və regionun bioloji təhlükəsizliyi üçün real təhlükədir.

Pentaqonun birbaşa dəstəyi ilə Ukraynada dağıdıcı bioloji fəaliyyətin danılmaz sübutlarına baxmayaraq, Vaşinqton bu sübutların qeyri-dəqiq olduğunu iddia etməkdə davam edir. Dövlət Departamenti iddia edir ki, Vaşinqtonun Ukraynada heç bir laboratoriyası yoxdur, sübutlar isə Pentaqonun bu laboratoriyaları birbaşa idarə etdiyini və podratçıların biologiya ilə bağlı layihələr həyata keçirdiyini göstərir.

Müşahidəçilərin fikrincə, Sovet İttifaqı dağılandan sonra Vaşinqton postsovet ölkələrində bioloji silah laboratoriyalarının yaradılmasına xüsusi diqqət yetirdi. ABŞ 1972-ci ildə ratifikasiya edilmiş və 1975-ci ildən qüvvədə olan Bioloji Silahlar Konvensiyasına üzv olsa da, əslində müxtəlif növ qeyri-insani silahların hazırlanmasında qabaqcıl ölkədir. Bundan əlavə, bu laboratoriyaların, xüsusən də Rusiya və Çinə yaxın ölkələrdə yerləşməsi faktiki olaraq ABŞ-ın iki əsas beynəlxalq rəqibinə qarşı bioloji təhdidlər yaratmaq niyyətini ortaya qoyur. Şübhəsiz ki, ABŞ hakimiyyət orqanlarının özləri də bu mərkəzlərdə baş verən bioloji fəaliyyətin dağıdıcı və çox təhlükəli olduğunu yaxşı bilir və buna görə də Pentaqonun bu laboratoriyalarla əlaqəsini heç bir şəkildə qəbul etmirlər.

Rusiya Dövlət Dumasının Xarici Əlaqələr Komitəsinin sədri Leonid Slotski deyib: “Moskva dəfələrlə xəbərdarlıq edib ki, ABŞ-ın bioloji laboratoriyaları dinc xarakterli deyil və onlar bir sıra postsovet ölkələrində yerləşir”.

Beləliklə də Vaşinqton və Kiyevin beynəlxalq öhdəliklərini yerinə yetirməmələri, ilk növbədə isə Bioloji Silahların Qadağan edilməsi Konvensiyasını açıq şəkildə pozmaları müşahidə olunur.