Misilsiz fəziləti olan “Rəğaib” gecəsi və onun dəqiq vaxtı
Bəzi hədislərə görə Rəğaib gecəsi rəcəb ayının birinci gecəsidir.
İslaminSesi.info xəbər verir ki, bu gün rəcəb ayının biridir. Rəcəb ayının ilk cümə axşamısı “Leylətur Rəğaib” adlanır. Onun rəcəbin birinci gecəsinə təsadüf etməsi düzgün deyil.
Əhli sünnə mənbələrinə görə, “Leylətur Rəğaib” rəcəbin birinci gecəsi yaxud da şaban ayının 15-i gecəsidir. Bu fikiri imamiyyə alimləri arasında dəstəkləyənlər azdır.
Hər halda burada əsas məsələ “Leylətur Rəğaib” gecəsi və əməllərinin fəzilətləridir.
“Rəğaib” istəklər və arzular deməkdir. Bu gecəyə iki məna verilir:
1- İnsanların bu gecədə ibadətə, Allahla danışmağa rəğbəti və istəyi çox olur.
2- Allahın əfv və bağışlama istəyi çoxalır.
Bu gecədə Rəcəb ayının əməlləri, çoxlu zikrlər və nafilə namazlarının qılınması tövsiyə edilir.
