İslami Şura Məclisinin Milli Təhlükəsizlik Komitəsinin sədri: “Bakının Təl-Əvivdə səfirliyini açmaqla bağlı addımı İran-Azərbaycan münasibətlərinin inkişafına xələl gətirir.”
Qafqaz Həqiqətləri xəbər verir ki, Parlamentin Milli Təhlükəsizlik Komissiyasının sədri Azərbaycan Respublikasının işğal olunmuş Fələstin ərazisində səfirlik açmasını İslam dünyasının, region ölkələrinin, hətta Azərbaycan Respublikanın milli maraqlarına zidd hesab etdiklərini vurğulayaraq deyib: “İran İslam Respublikası bu addımın əleyhinədir və bu məsələni iki ölkə arasında əlaqələrin inkişafı və genişlənməsi üçün zərərli hesab edir.”
Vəhid Cəlalzadə qeyd edib ki, Azərbaycan Respublikası və İran İslam Respublikası iki xalqı arasında tarixi, mədəni və dini əlaqələr çox dərin və qırılmazdır. İki xalqın düşmənləri iki ölkənin insanları arasında məsafə yaratmaq üçün əllərindən gələni edirlər. Ona görə də rəsmilər, xüsusən də iki ölkənin yüksək səviyyəli rəsmiləri müdrik hərəkət etməlidirlər ki, regional və regiondankənar rəqiblər məsafə yaratmaq imkanından məhrum olsun.
İslami Şura Məclisinin Milli Təhlükəsizlik və Xarici Siyasət Komissiyasının sədri əlavə edib: “Azərbaycan Respublikası amerikalıların və sionist rejimin fitnələrindən uzaqlaşmalıdır. Çünki onlar Azərbaycan Respublikasının və İranın dostu və xeyirxahları deyillər. Biz bu bölgədə və qonşuluqda qalacağıq, illər boyu bir yerdə olmuşuq, bundan sonra da birlikdə olacağıq.”
Urmiya əhalisinin İslami Şura Məclisində təmsilçisi bildirib ki, biz regiondan kənar ölkələrin ölkəmizə zərər vurmasına imkan verməməliyik, ona görə də sionist rejimin Azərbaycan Respublikasında olmasını müsbət qiymətləndirmirik. Biz diplomatik görüşlərdə bununla bağlı Azərbaycan Respublikasındakı həmkarlarımızı məlumatlandırmışıq. Onlar bu mövcudluğu əhəmiyyətsiz hesab edirlər və dəfələrlə bəyan etdilər ki, biz heç kimə Azərbaycan Respublikasının ərazisindən sui-istifadə etməyə imkan verməyəcəyik.
Cəlalzadə deyib: “Təbii ki, bizim məlumatlarımız bunun əksini sübut edir və sionist rejimin hərisliyini göstərir. Onlar Azərbaycan Respublikasından müdaxiləçi siyasətlərin və İslam Respublikasında təsir axınının xeyrinə istifadə etmək istəyirlər.”
Azərbaycan Respublikasının işğal olunmuş Fələstin ərazisində səfirlik açmasını İslam dünyasının, region ölkələrinin maraqlarına, hətta Azərbaycan Respublikasının milli maraqlarına zidd hesab edən millət vəkili bildirib: “Cənab İlham Əliyev Azərbaycan Respublikasının böyükləri və elitaları ilə məsləhətləşsəydi, mütləq başa düşərdi ki, bu ölkənin xalqı və elitası razı deyil.”
Xarici siyasət və milli təhlükəsizlik komitəsinin sədri Azərbaycan Respublikasının İran İslam Respublikasının maraqlarına zidd addım atdığını bildirərək xatırladıb: “Biz bu hərəkətin əleyhinəyik və bu məsələni iki ölkə arasında münasibətlərin inkişafı və genişlənməsi üçün ziyanlı kimi qiymətləndiririk. Hələ də ümid edirik ki, Azərbaycan Respublikasının hakimiyyət orqanları seçdikləri yoldan qayıdacaq və öz xalqının mənafeyinə daha çox diqqət yetirəcəklər.”
Millət vəkili deyib ki, biz sionist rejimin Azərbaycan Respublikasının ərazisini istismar etməsinə qəti şəkildə icazə verməyəcəyik və əlimizdə olan vasitələrlə bu hərəkatın qarşısını alacağıq.
