Azərbaycanda Gənclərin II AŞURA Forumu keçirilib Bu gün, 01:26 Şərhlər: 0
25 oktyabr 2015-ci il tarixində Azərbaycanın paytaxtı Bakı şəhərində Gənclərin II Aşura Forumu keçirilib. Dəyərlər Oxucular Klubunun və Gənc Əhli-beyt (ə) sevərlər Forumunun birgə təşəbbüsü ilə təşkil edilmiş Gənclərin II Aşura Forumu paytaxtdabaş tutub.
Gənclərin AŞURA forumu müqəddəs Qurani-Kərimin tilavəti və daha sonra Dövlət Himninin iştirakçılar tərəfindən birgə səsləndirilməsi ilə açıq elan olunub. Daha sonra forumu giriş sözü ilə açan Dəyərlər Oxucular Klubunun moderatoru R.Əliyev forum iştirakçılarını salamladı, habelə forumun qarşısına qoyduğu məqsəd və hədəflərdən danışdı.
Daha sonra söz Forumun açıq elan edilməsi üçün İçərişəhər “Cümə” məscidinin imam-camaatı Hacı İlqar İbrahimoğluna verildi.
Çıxış edən məruzəçi N.Mikayiloglu Dünyada Aşura mövzusunda geniş prezentasiya ilə məruzə söyləyib. Natiq dünyada Məhərrəmlik və Aşura ideallarının yaşadılmasında rolu olan gənclər təşkilatları, bu il dünyada Məhərrəmlik hazırlıqları və Aşura, həmçinin Məhərrəmlik əzadarlıqlarının keçirilməsinə törədilən maneələrdən danışıb.
Digər çıxışçı A.Əzizov dünyada İslamofobiya mövzusunda çıxış edib. Geniş prezentasiyalarla dünyada İslamofobiya hallarına diqqət çəkən çıxışçı İslamofobiyanın necə meydana gəlməsi ətrafında geniş açıqlamalar verib.
Növbəti çıxışçılar G.Hüseynli və C.Əliyeva isə Kərbəla ziyarətinin statistik və sosioloji mənzərəsini təqdim edərək, hər il dünyaya Kərbəla ziyarətinə yollananlar barədə geniş açıqlamalar veriblər.
Bundan sonra Forum geniş müzakirələr, replika və fikir mübadiləsi ilə davam etdirilib.
Sonda forumda çıxış edən İçərişəhər “Cümə” məscidinin imam-camaatı, DEVAMM (Dini Etiqad və Vicdan Azadlıqlarının Müdafiə Mərkəzi) sədri, Deyerler.org-un baş redaktoru Hacı İlqar İbrahimoğlu forumla bağlı fikirlərini bölüşərək,
Gənclərin Aşura Forumunun baş tutmasını qeyd edib, səsləndirilən fikir, təşəbbüs və yanaşmalarla bağlı öz tövsiyələrini gənclərlə bölüşüb.
Gənclərin Aşura Forumunun yekununda Forumun sənədi tədbir iştirakçılarına çatdırılıb və xatirə fotoları çəkilib./deyerler/
