FaktXəbər-in verdiyi məlumata görə, İstanbul polisi reyd zamanı İŞİD terror qruplaşmasının təlim mərkəzini aşkara çıxarıb. Burada Özbəkistandan və Tacikistandan gətirilən onlarla uşağın təlim gördüyü aşkarlanıb.
Bundan əvvəl Türkiyə KİV-i antiterror əməliyyatları zamanı 50 xarici vətəndaşın saxlanıldığını bəyan etmişdi.
Reyd İstanbulun Pendik rayonunda aparılıb. Saxlanılan vətəndaşlar İŞİD terror qruplaşmasına qoşulmaq üçün Suriya və İraqa yola düşməyə hazırlaşırmışlar.
Bildirilir ki, saxlanılanlar arasında Özbəkistan və Tacikistandan gəlmiş 24 yeniyetmə də var. Onlar İŞİD qanunlarını öyrənirmişlər. Mərkəzdə həmçinin məşq toplantıları da olurmuş.
